Tre turistë francezë u mbytën në Oman pasi varka në të cilën ndodheshin u përmbys në ujërat pranë kryeqytetit të sulltanatit, Muskat, tha policia të martën.
Policia Mbretërore e Omanit tha se anija mbante 25 turistë francezë, si dhe një guidë turistike dhe një kapiten varke, kur u përmbys në Gjirin e Omanit.
Ajo tha se tre turistë vdiqën dhe dy pësuan lëndime të lehta, transmeton Associated Press.
Policia tha në një deklaratë të shkurtër se “hetimet janë ende duke vazhduar për të përcaktuar rrethanat e incidentit”.
Omani, në skajin lindor të Gadishullit Arabik, tërheq turistë nga e gjithë bota për zhytjet dhe bukurinë natyrore.
