Dolën në këtë pikë për të parë garën e veturave.
Por kjo u kthye në tragjedi për tre të rinj nga Gjakova.
Pasi, njëra nga veturat që po e shikonin humbi kontrollin dhe erdhi në drejtim të tyre.
Kjo u konfirmua edhe nga shërbimi emergjent në qytetin e Prizrenit.
“Mbrëmë rreth orës 22:40 janë sjellë fillimisht tre personat e parë, pa shenja jete. Më pas janë sjellë edhe tre persona të tjerë, dy prej të cilëve janë duke u trajtuar në repartin e Ortopedisë në spitalin e Prizrenit, njëri është transferu në QKUK në Prishtinë. Tre personat kanë thyerje të ekstremiteteve, personi që është dërgu në QKUK është në gjendje më të rëndë”, tha Hekuran Veçgishti, shef i repartit të emergjencës
E me urdhër të prokurorit, trupat e pajetë janë dërguar në IML për obduksion.
“Gjatë ngasjes në autostradë i dyshuari kosovar dyshohet se ka humbur kontrollin mbi veturën dhe për pasojë ka goditur tre persona meshkuj kosovar-këmbësorë. Si pasojë, tre personat e goditur kanë humbur jetën, ndërsa tre të tjerë kanë pësuar lëndime dhe janë dërguar për tretman mjekësor. Në vendin e ngjarjes ka dalë edhe prokurori i rastit dhe me vendimin e tij (tre) trupat e pajetë pasi është konstatuar vdekja e tyre nga ekipi mjekësor, janë dërguar në IML për obduksion. Me urdhër të prokurorit, i dyshuari është dërguar në mbajtje. Hetimet lidhur me këtë aksident janë duke u kryer nga njësitet relevante policore…”
Më vonë autoritetet njoftuan se është arrestuar edhe një i dyshuar.
Ndërsa gjatë së dielës në fshatin Berjahë të Gjakovës qindra qytetarë u mblodhën në varrimin e njërës nga viktimat, Lordon Sylës.
Me dhimbje e lot familjarët ia dhanë lamtumirën e fundit 22 vjeçarit Lordon Syla.
E pas varrimit, nga familja Syla u përçua një mesazh.
E pamja për të ndjerin Lordon Syla do të zgjasë dy ditë.
