Tre persona u plagosën, përfshirë një fëmijë 14-vjeçar, në një përleshje të ashpër me thika që ndodhi sonte (17 qershor) në lagjen Çair të Shkupit.
Sipas informacionit nga Ministria e Punëve të Brendshme, rreth orës 19:48, Shërbimi Special i Policisë Shkup ka marrë një njoftim se në kryqëzimin e rrugëve “Cvetan Dimov” dhe “Xhon Kenedi” ka ndodhur një përleshje fizike, pas një keqkuptimi të mëparshëm.
Një djalë 14-vjeçar dhe dy persona të moshës 64 dhe 18 vjeç – të gjithë nga Shkupi – morën pjesë në konflikt.
Sulmi përshkallëzoi deri në atë pikë sa u nxorën thika dhe të tre u plagosën.
Të lënduarit u transportuan me urgjencë në Spitalin e Përgjithshëm të Qytetit “Shën Naum Ohridski” dhe në Qendrën Klinike “Nënë Tereza”, ku u është ofruar ndihmë mjekësore.
Ministria e Brendshme thotë se po merren masa për sqarimin e plotë të rastit, përfshirë përcaktimin e shkaqeve dhe detajeve të incidentit që shqetësoi banorët e kësaj pjese të frekuentuar të Shkupit./AlsatM
