Tre persona kanë mbetur të lënduar mbrëmë nga shpërthimi i një bombole gazi në Bair të Mitrovicës.
Të lënduarit janë dërguar mbrëmë në QKUK, ku kanë marrë trajtimin e nevojshëm mjekësor.
Ata tashmë janë në gjendje stabile, dhe po trajtohen në Kirurgjinë Plastike.
Kështu bëri të ditur për teve1.info, drejtori i Emergjencës, Naser Syla.
Nga shpërthimi i bombolës është shkaktuar dëm i konsiderueshëm material brenda shtëpisë.
Pas këtij rasti Bedri Hamza dhe Arian Tahiri kanë vizituar familjarët, ku edhe kanë ofruar mbështetje.
