Tre persona kanë mbetur të lënduar si pasojë e një përleshje që ka ndodhur mbrëmjen e sotme në rrugën “Ibrahim Lutfiu” në Prishtinë.
Lajmin për teve1.info e ka konfirmuar zëdhënësja e Policisë së Kosovë për rajonin e Prishtinës, Flora Ahmeti, e cili ka bërë të ditur se njëri nga të lënduarit është shoqëruar në stacionin policor.
“Sot rreth orës 20:00, policia ka marrë informatën për një përleshje fizike në rrugën ”Ibrahim Lutfiu” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se gjatë përleshjes, janë lënduar tre persona, njëri prej tyre është shoqëruar në stacion policor”, tha ajo.
Ndërkohë, Ahmeti ka njoftuar se në vendin e ngjarjes njësia policore ka gjetur një armë zjarri, si dhe ende po kryen procedurat e sekuestrimit.
“Në vendin e ngjarjes policia ka gjetë një armë zjarri dhe po kryen procedurat e sekuestrimit. Aktualisht hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit”, tha ajo./teve1.info/
