Tre persona kanë mbetur të lënduar si pasojë e një aksidenti trafiku që ka ndodhur rreth orës 15:40 në fshatin Zallq të Istogut.
Zëdhënësi i Policisë në Pejë, Driton Rugova, ka bërë të ditur se në aksident kanë qenë të përfshirë tri vetura.
Sipas tij, personat e lënduar janë dërguar në Spitalin Rajonal të Pejës, ku kanë marrë trajtim mjekësor.
“Sot rreth orës 15:40, Policia është njoftuar për një aksident trafiku i cili ka ndodhur në fshatin Zallq-Istog, në këtë aksident ishin të involvuara 3 vetura dhe si pasojë e aksidentit 3 persona kanë pësuar lëndime trupore të njëjtit me autoambulancë janë dërguar në Spitalin Rajonal në Pejë, për tretman mjekësor”, ka thënë zëdhënësi i Policisë në Pejë, Driton Rugova.
