Tre të lënduar në aksidentin në Gllarevë, e përfshirë edhe vetura e Policisë.
Tre persona kanë pësuar lëndime trupore në një aksident që ka ndodhur në Gllarevë të Klinës.
Në këtë aksident janë përfshirë një kamion dhe dy vetura, njëra e Policisë së Kosovës.
Zëdhënësi i Policisë për rajonin e Pjesës, Driton Rugova tha për teve1.info se të lënduarit janë dërguar në Spitalin e Pejës.
“Sot rreth orës 11:00, Policia është njoftuar për një aksident trafiku i cili ka ndodhur në fshatin Gllarevë-Klinë, në këtë aksident ishin të involvuara një (1) kamion dhe dy (2) vetura, njëra nga këto është veturë e Policisë, si pasojë e këtij aksidenti tre (3) persona kanë pësuar lëndime trupore, të njëjtit janë dërguar në spitalin rajonal në Pejë për tretman mjekësor”, njoftoi Rugova.
