Katër persona dyshohet se kanë penguar zyrtarët policorë gjatë ushtrimit të detyrës së tyre në Gjakovë.
Sipas njoftimit të Policisë, incidenti ka ndodhur derisa policët po kryenin detyra zyrtare, kur katër të dyshuar meshkuj kanë ndërhyrë dhe kanë penguar veprimet e tyre.
Policia ka bërë të ditur se tre nga të dyshuarit janë arrestuar në vendin e ngjarjes, ndërsa personi i katërt ka arritur të largohet.
Pas intervistimit, me urdhër të prokurorit, tre të arrestuarit janë dërguar në mbajtje, ndërsa rasti po vazhdon të hetohet.
