Policia e Kosovës ka arrestuar tre persona të dyshuar për sulm ndaj një personi tjetër pas ndeshjes në futboll ndërmjet KF Trepça dhe KF Vushtrria.
Të arrestuarit sipas policisë dyshohet se janë tifoz të Trepçës pjesë e grupi “Torcida”.
“Sot, me 10.05.2026, pas përfundimit të ndeshjes futbollistike ndërmjet KF Trepça dhe KF Vushtrria, disa tifozë që dyshohet se i përkasin grupit “Torcida”, kanë sulmuar fizikisht një person mashkull shtetas i Kosovës. Njësitë policore kanë reaguar menjëherë dhe kanë arritur të identifikojnë tre persona të dyshuar, të cilët janë arrestuar dhe shoqëruar në stacion policor për procedura të mëtejme”, ka njoftuar Policia.
Gjatë kontrollit, tek njëri nga të dyshuarit është gjetur dhe sekuestruar një shufër metalike, ndërsa tek i dyshuari tjetër është gjetur një maskë fytyre.
“Viktima ka pranuar tretman mjekësor dhe është intervistuar në cilësinë e ankuesit. Po ashtu, janë intervistuar edhe tre personat e dyshuar, ku pas procedurave hetimore, është iniciuar rast penal ,,Sulm” dhe dy prej të dyshuarve janë liruar në procedurë të rregullt, ndërsa njëri prej tyre me urdhër të prokurorit, është ndaluar për 48 orë”, thuhet në njoftimin e Policisë. /teve1.info/
