Tre persona dyshohet se janë therur me thikë pas një përleshje fizike në një restorant në fshatin Xërxë të Rahovecit.
Të lënduarit për shkak të plagëve janë dërguar për trajtim mjekësor në Spitalin Rajonal në Gjakovë, ku të njëjtit tashmë janë jashtë rrezikut për jetë.
Lidhur me këtë rast janë arrestuar pesë persona të dyshuar, të cilët me vendim të prokurorit janë ndaluar në mbajtje.
Lajmin për teve1.info e ka bërë të ditur zëdhënësi i Policisë së Kosovës për rajonin e Gjakovës, Sheremet Elezaj, i cili tha se rasti është iniciuar si “Lëndim i rëndë trupor”.
“Policia ka dalë në vendin e ngjarjes dhe janë ndërmarrë të gjitha veprimet e nevojshme hetimore, me ç’rast janë identifikuar dhe arrestuar pesë të dyshuar. Lidhur me rastin është njoftuar prokurori i shtetit me vendimin e të cilit të dyshuarit janë ndalur në mbajtje si dhe është iniciuar rast “Lëndim i rëndë trupor”, tha Elezaj./teve1.info/
