Tre persona kanë mbetur të lënduar si pasojë e një aksidenti që ka ndodhur sot në Komoran.
Në aksident kanë qenë të përfshira tri automjete.
Kështu ka bërë të ditur zëdhënësi i Policisë së Kosovës, Bajram Krasniqi, i cili tha se me rastin është duke u marrë njësia përkatëse.
“Sot në mëngjes, në rrugën nacionale Prishtinë-Pejë (fshati Komoran), ka ndodhur një aksident trafiku. Në aksident janë përfshirë tri automjete (në mesin e tyre një autobus). Si pasojë e aksidentit tre persona kanë kërkuar ndihmë mjekësore. Njësia përkatëse e policisë është marrë me rastin”, tha Krasniqi./teve1.info/
