Tre persona janë raportuar të zhdukur gjatë javës në Pejë, Gjakovë dhe Leposaviq.
Policia e Kosovës thotë se rasti i parë ka ndodhur në rrugën “Hoxhë Tahsini” në Pejë, ku një vajzë e ka raportuar të zhdukur motrën e saj.
Ankuesja zyrtarëve policorë iu ka thënë se motra e saj ka dalë nga shtëpia dy ditë më parë dhe ende nuk është kthyer.
Policia thotë se ende nuk dihet asgjë për vendndodhjes e saj.
“Rr. Hoxhë Tahsini, Pejë 20.10.2023-13:50. Me datë 21.10.2023 ankuesja kosovare ka raportuar se, me datën e cekur motra e saj kosovare ka dalë nga shtëpia dhe nuk dihet vendndodhja e saj. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin ditor të Policisë së Kosovës.
Ndërsa, rasti i dytë ka ndodhur në rrugën “Pashko Vasa” në Gjakovë, ku një prind është ankuar në polici se djali i tij është larguar nga shtëpia më datë 19 të muajit tetor dhe ende nuk është kthyer.
“Rr. Pashko Vasa, Gjakovë. 19.10.2023 – 14:00. Ankuesi mashkull kosovar ka informuar se djali i tij kosovar është larguar nga shtëpia dhe nuk është kthyer më. Rasti është duke u hetuar”, thuhet në njoftim.
Ndërkaq, edhe në Leposaviq është raportuar një vajzë e zhdukur. Rastin e ka bërë të ditur nëna e saj, e cila ka thënë se vajza është larguar nga shtëpia që dy ditë.
“Leposaviq. 20.10.2023 – 05:00. Ankuesja kosovare ka informuar se vajza e saj është larguar nga shtëpia dhe nuk është kthyer më. Rasti është duke u hetuar”, thuhet në raportin e PK-së.
Për të tre rastet, Policia e Kosovës thotë se janë duke u kryer hetime, derisa të njëjtat janë iniciuar “Person i zhdukur”./teve1.info/
