Lajmi për vizitë është bërë i ditur nga Manastiri i Deçanit përmes një postimi në rrjetin social Twitter.
Sipas njoftimit, tre ambasadorët zhvilluan takim me abatin e Manastirit.
“Abati ynë At Sava priti sot në Manastirin e Deçanit ambasadorët gjermanë në Beograd dhe Prishtinë (SH.T. Thomas Shieb dhe SH.T. Joern Rohde) si dhe ambasadorin belg në Beograd SH.T. Koenraad Adam. Ambasadorët vizituan kishën dhe patën një bisedë me abatin tonë”, thuhet në njoftim.
Ndryshe, këto vizita po realizohen pas deklaratës së përbashkët të QUINT-it lidhur me çështjen e pronës së manastirit të Deçanit.
Ata i kanë bërë thirrje Qeverisë së Kosovës që në përputhje me vendimin e Gjykatës Kushtetuese, të veprojnë pa vonesa në zbatimin e plotë të regjistrimit të ligjshëm të tokës së Manastirit të Deçani./teve1.info/
