Pak para mbajtjes së seancës së jashtëzakonshme të Kuvendit Komunal të Prishtinës për të hyrat vetanake dhe buxhetin, transportuesit publikë kanë nisur protestën e tyre para objektit të Komunës.
Një pjesë e shiritit të rrugës është bllokuar nga autobusët, duke krijuar vështirësi në qarkullim.
Trafiku Urban dhe operatorët privatë të transportit kanë pezulluar punën, të pakënaqur me mos pagesat që, sipas tyre, kanë vazhduar për muaj me radhë. Ndërprerja e shërbimit ka shkaktuar kolona të gjata dhe probleme të mëdha për qytetarët që varen nga transporti publik për lëvizje brenda kryeqytetit.
