“Trafiku Urban” ka njoftuar se me rastin e 17 Shkurtit, Ditës së Pavarësisë së Kosovës, si dhe në mbështetje të marshit qytetar “Liria ka Emër”, të gjithë udhëtarët do të lirohen nga pagesa e biletës gjatë kësaj dite.
Sipas njoftimit, vendimi është marrë bazuar në autorizimin e kryetarit të Komunës së Prishtinë, Përparim Rama.
Nga “Trafiku Urban” bëhet e ditur se lirimi nga pagesa do të vlejë vetëm gjatë 17 Shkurtit.
“Për nder të 17 Shkurtit, Ditës së Pavarësisë së Republikës së Kosovës si dhe në mbështetje të marshit qytetar „Liria ka Emër“, bazuar në vendimin e Kryetarit të Komunës së Prishtinës, z. Përparim Rama, „Trafiku Urban“ njofton qytetarët se: Të gjithë shfrytëzuesit e Trafikut Urban do të lirohen nga pagesa e biletës, në shënim të kësaj feste të rëndësishme dhe në mbështetje të marshit „Liria ka Emër”. Lirimi nga pagesa vlen gjatë ditës së festës, më 17 Shkurt. Gëzuar 17 Shkurtin – Ditën e Pavarësisë!”, thuhet në njoftim./teve1.info/
