Hidratimi i duarve shpesh mund të zvogëlojë thatësinë dhe t’i mbrojë ato nga shkaqet që i irritojnë ato. Ju mund të keni nevojë për mjekim nëse shkaku është një problem shëndetësor si ekzema.
Ndonëse mund të duket problem i vogël, duart e thata mund të jenë shumë irrituese.
Në shumicën e rasteve, duart mund të plasariten nga kushtet mjedisore, si për shembull moti. Ato gjithashtu mund të çahen nëse i lani shpesh, i ekspozoni edhe ndaj kimikakteve dhe kushteve të caktuara.
Por si t’i mjekoni ato, sidomos tani kur duart çahen më së shumti gjatë dimrit. Këtu kemi përmbledhur disa metoda.
Hidratoni duart
Aplikoni një krem ose locion hidratues cilësor disa herë në ditë. Locionet dhe kremrat ndihmojnë në rikthimin e lagështirës dhe e mbërthejnë në lëkurë.
Vishni doreza
Konsideroni të vendosni doreza nëse sapo i keni larë duart, si për shembull kur lani enët. Dorezat ndihmojnë në parandalimin e ujit nga zhveshja e lëkurës suaj nga vajrat e saj natyralë.
Reduktoni stresin
Nëse keni ekzemë, mund të habiteni kur mësoni se stresi mund t’i përkeqësojë simptomat tuaja. Pra, nëse simptomat tuaja ndizen, merrni pak kohë për vetëkujdes për të reduktuar stresin.
Trajtoni ato gjatë natës
Një nga ilaçet më të mira për duart e thata është t’i lyeni ato gjatë natës me locion ose një hidratues si vazelina. Më pas, mbuloni duart me një palë doreza të buta ose çorape.
Bllokimi i hidratuesit do ta ndihmojë atë të përthithet më plotësisht në lëkurën tuaj dhe ju do të zgjoheni me duar të lëmuara. /Telegrafi/
