Ministri i Shëndetësisë, Arben Vitia ka dhënë detaje për udhëzimin administrativ rreth trajtimit mjekësor jashtë institucioneve publike.
Ai tha se udhëzimi administrativ përfshin thjeshtëzimin e procedurave të aplikimit për qytetaret dhe për herë të parë do të bëhet caktimi i çmimeve referente.
“Personat me status të invalidit të luftës, anëtarët e ngushtë të familjes së dëshmorëve, viktimat civile të luftës do të kompensohen në shumën maksimale, 100%, të vlerës së faturës”.
Vitia ka thënë se njëjtë do të përfitojnë edhe personat deri në 18 vjeç, personat me aftësi të kufizuara dhe ata që janë përfitues të ndihmës sociale.
“Kritere që sigurojnë transparencë”, ka shkruar ai.
