Forma fanastike e Ernest Muçit te Trabzonspori, ka bërë që trajneri Fatik Tekke të kërkojë blerjen e menjëhershme të futbollistit shqiptar.
Te Trabzonspori janë të kënaqur me Muçin, i cili është shndërruar në lojtarin kryesor të ekipit prejse u huazua nga Beshiktashi.
Trabzonspori e ka huazuar për një vit Muçin nga Beshiktashi, ku ka paguar 1 milion euro kurse ka opsionin e blerjes së tij deri në verën për 8.5 milionë euro tjera.
Muçi deri më tani, ka shënuar 12 gola dhe ka bërë 5 asistime në të gjitha garat për Trabzonsporin, që aktualisht zë vendin e tretë në tabelë me 45 pikë të mbledhura.
Trajneri Tekke po bën presion te drejtuesit e klubit për ta shfrytëzuar menjëherë opsionin e blerjes së Muçit, duke thënë se “nëse tarifa e transferimit paguhet para përfundimit të sezonit, performanca e tij do të përmirësohet edhe më shumë”.
Muçi ka kontratë me skuadrën e Beshiktashit deri në verën e vitit 2027.
