Trajneri i Mallorcas, Jagoba Arrasate, ka sqaruar pse vendosi ta zëvendësojë sulmuesin e Kombëtraes së Kosovës, Vedat Muriqi, në ndeshjen ndaj Athletic Bilbaos.
Muriqi u zëvendësua në minutën e 85-të, ndërsa Mallorca të dielën mbrëma barazoi 1:1 në udhëtim me Bilbaon në kuadër të xhiros së 27-të të La Ligas.
Arrasate deklaroi se Muriqin e zëvendësoi për shkak të një shqetësimi muskulor që e kishte sulmuesi.
Në pjesën e dytë sulmuesi kishte shqetësim në gju por vendosi të vazhdojë dhe ta ndihmojë skuadrën deri në momentin e zëvendësimit.
“Muriqi kishte një shqetësim në gju. Ne ishim pak të frikësuar, ai tha se ishte mirë por ne vendosëm që ta zëvendësonim edhe për shkak të lodhjes”, ka thënë Arrasate.
30-vjeçari këtë sezon ka shënuar 6 gola dhe ka bërë 2 asistime në 22 ndeshje kampionale.
