Pas nisjes së dobët të kampionatit, trajneri i Dritës Zekirija Ramadani ka kërkuar përqëndrim dhe angazhim maksimal mga futbollistët në kampionat.
Drita siguroi fazën e ligës, në Ligën e Konferencës, për herë të parë në histori të klubit, por në Superligë, skuadra ka vetëm dy pikë nga tri ndeshjet e luajtura.
Gjilanasit luajnë të mërlurën ndeshjen e shtyrë me Drenicën, derisa Ramadani në konferenëcn për gazetarë para ndeshjes ka thënë se Drita synon ta mbroj titullin.
“Neve na intereson objektivi ynë. Nesër luajmë për herë të parë si vendas në këtë edicion dhe si kampionë na ka hije të angazhohemi maksimalisht. Synimi ynë është trepikëshi dhe e gjithë vëmendja është në Gjilan, sepse vetëm takimi ynë zhvillohet të mërkurën. Duhet të kemi në formë të gjithë futbollistët, pasi na presin shumë ndeshje, dhe shpresoj që nesër ta nisim me fitoren e parë të këtij edicioni”.
“Për ta mbrojtur titullin duhet shumë djersë dhe angazhim. Kam shumë besim te ky ekip sepse kemi bërë sakrifica të mëdha dhe jam i bindur se do t’ia dalim”.
“Kemi një grup të kompletuar, ku secili futbollist di të shënojë, prandaj nuk varemi nga një lojtar i vetëm. Unë gjithmonë synoj që skuadra të kënaqë syrin e tifozëve dhe të shkojmë përpara me hapa të sigurt”.
