Kryeministri Albin Kurti është shprehur i tronditur nga tragjedia në Malishevë, ku babai me dy fëmijë vdiqën si pasojë e shpërthimit të bombolës së gazit.
Kurti u ka shprehur ngushëllime familjarëve të viktimave.
“Jam i tronditur nga rasti i vdekjes së tre familjarëve, babait me dy fëmijë, nga zjarri si rezultat i shpërthimit të bombolës së gazit në Malishevë. Në këto momente të rënda shpreh ngushëllimet e mia për të gjithë familjarët e viktimave”, ka shkruar Kurti.
Ngjarja ka ndodhur në lagjen “Mirëdita”.
Rastin e ka konfirmuar Drejtori i Policisë për Rajonin e Gjakovës, Lumni Graishta.
Graishta bëri të ditur se dy nga viktimat janë fëmijë të moshës 9 dhe 12 vjeçare (djalë e vajzë), si dhe babai 35-vjeçar.
