Në stacionin policor në Karposh në Shkup po merret në pyetje ish-ministri i Ekonomisë i Maqedonisë së Veriut, Kreshnik Bekteshi.
Kjo ka të bëjë me dhënien e licencave jo-legale ndaj objektit në fjalë, raporton AlsatMk.
Ministri i Punëve të Brendshme, Pançe Toshkovski, paraprakisht informoi se deri më tani për zjarrin në diskotekën në Koçani janë të dyshuar mbi 20 persona, prej të cilëve 15 janë në stacion policor.
Në mesin e të arrestuarve ka organizatorë të ngjarjes në klubin e natës, pjesëtarë të obliguar për sigurimin e ahengut, por edhe përfaqësues institucionesh, si ish- sekretarja e Ministrisë së Ekonomisë Razmina Çekiq dhe ish-drejtori i Drejtorisë për Mbrojtje dhe Shpëtim.
Ish-sekretarja Çekiq nga LSDM, sipas ministrit Toshkovski, ka falsifikuar licencën për punë dhe licenca që i është dhënë vitin e kaluar ka skaduar, por e njëjta ka nënshkruar licenca të falsifikuara.
Në lidhje me ngjarjen e rëndë, ku si pasojë e zjarrit humbën jetën 59 persona dhe 155 të tjerë u lënduan, Qeveria e Maqedonisë së Veriut shpalli shtatë ditë zie
