Futbollisti shqiptar, Ernest Muçi është duke kaluar momente fantastike me fanellën e Trabzonsporit.
Klubi turk dëshiron të blejë kartonin e plotë të sulmuesit të Kombëtares së Shqipërisë, i cili është në pronësi të Beshiktashit.
Siç raportohet në mediat turke, Trabzoni ka një plan konkret për ta blerë kartonin e plotë që kushton rreth 8.5 milionë euro.
Tashmë në klubin e Trabzonit kanë mbërritur disa oferta për lojtarin shqiptar. Dhe plani është i qartë, të blihet fillimisht për 8.5 milionë dhe të shitet për 12 milionë euro.
24-vjeçari brenda këtij sezoni ka zhvilluar 15 ndeshje në ligë me fanellën e Trabzonsporit, duke shënuar tetë gola dhe duke bërë dy asiste – statistika që menjëherë kanë “rënë” në sytë e shumë skautëve të njohur.
