Edon Zhegrova pritet të jetë transferimi surprizë te skuadra nga Turqia, Trabzonspor në afatin kalimtar të verës.
Bëhet e ditur se Trabzonspori po shihet favorit për të siguruar shërbimet e Zhegrovës, i cili është pjesë e skuadrës së Juventusi.
Madje, Trabzonspori thuhet se ka kontaktuar Juventusin, ekip që është i hapur rreth ofertës për Zhegrovën, i cili thuhet se po kërkon ekip ku mund të ketë minutazhë më të madhe.
Trabzonspori është i gatshëm edhe ta huazojë Zhegrovën në rast se Juventusi nuk dëshiron ta shesë, duke pasur parasysh se sulmuesi i krahut ka kontratë deri në vitin 2030 me ekipin nga Serie A e Italisë.
Te Trabzonspori po e shohin Zhegrovën si përforcim të madh për fazën sulmuese dhe për këtë arsye po bëjnë përpjekje maksimale për të bindur Juventusin, qoftë në shitjen apo huazimin e tij.
Zhegrova verën e shkuar iu bashkua Juventusit nga Lille dhe me ekipin italian ka kontratë deri në vitin 2030, ndërsa këtë sezon ka regjistruar 26 paraqitje në të gjitha garat.
Krahas Trabzonsporit, interesim për Zhegrovën më herët ka shfaqur edhe skuadra e Beshiktashit.
