Trabzonspor ka tronditur tregun e transferimeve duke u futur në garë për Mohamed Salah.
Sipas raportimeve të mediave turke, drejtuesit e klubit kanë intensifikuar kontaktet për të bindur yllin egjiptian që të vazhdojë karrierën në Superligën turke.
Bëhet e ditur se klubi po punon për një ofertë ambicioze dhe negociatat me përfaqësuesit e futbollistit kanë nisur.
Megjithatë, deri më tani nuk ka një marrëveshje të finalizuar, ndërsa mbetet të shihet nëse Trabzonspor do të arrijë ta realizojë një nga transferimet më të bujshme të kësaj vere.
Në ditët në vijim priten zhvillime të reja, pasi klubi turk dëshiron ta mbyllë sa më shpejt operacionin për ish-yllin e Liverpoolit.
Te Trabzonspori aktivohet edhe futbollisti i Kombëtares së Shqipërisë, Ernest Muçi.
