Duke folur për barazinë gjinore në vendin e punës, kryetari i komunës së Prizrenit, Shaqir Totaj vlerëson së është shumë e rëndësishme trajtimi i barabartë i grave.
I pyetur pse nuk ka më shumë gra në krye të drejtorive komunale, Totaj tha se është ithtar “i dhënies” së rastit për gratë, por sipas tij, gratë nuk kanë guxim të marrin përgjegjësi.
“Po ashtu është shumë e rëndësishme që të ketë edhe performancë, të ketë edhe kualifikime, të ketë edhe potencial. Dhe me ju thënë të drejtën shumë jam ithtar i dhënies së rastit. Besa edhe i favorizimit të grave. Mirëpo pa dashtë me u keqkuptu, jo në dëm të performancës…jo që s’ka kuadër, nuk kanë guxim me ardh me marr pozitën, me marr përgjegjësi. Se ka kuadër”, deklaroi ai në “Këndi i Debatit” në Tëvë 1.
