Pak vite më parë ishte pjesë e Superligës së Kosovës dhe paraqitjet e mira me skuadrën e Ballkanit, bën që ai të largohej drejt Turqisë. Por, Jetmir Topalli nuk u mjaftua dhe pranoi ftesën nga përfaqësuesja e Kosovës, madje arriti edhe debutimin.
Sulmuesi i krahut tregon për sezonin e tij personal me skuadrën e Istanbulspor, teksa thotë se ka qenë edicion i suksesshëm për të. Ai shprehet shumë i lumtur pasi arriti të djersitë fanellën e dardanëve, ndonëse sipas rezultatet nuk ishin të kënaqshme.
“Sezoni i kaluar ishte tejet i suksesshëm në aspektin personal ashtu edhe atë ekipor. Pas gjithë asaj pune ndër vite, më erdhi mundësia të jem pjesë e kombëtares së Kosovës në ndeshje për kualifikim dhe kjo ishte ndjenja më e bukur që mund ta përjetosh, të debutosh para tifoëzfe dardanë, edhe pse rezultatet nuk ishin ato që i dëshironim”
Topalli thotë se e pret punë e madhe për t’u përgatitur për sezonin e ardhshëm dhe nuk e përjashton mundësinë për të qenë pjesë e Kosovës përsëri në ndeshjet e muajit shtator.
“Për pak kohë fillon sezoni i ri, do të mundohem të punoj shumë që të jem në formën më të mirë të mundshme dhe ti ndihmojë ekipit, pse jo në shtator të jem prapë pjesë e Kosovës”
Ishsulmuesi i Ballkanit e lë të hapur mundësinë e lëvizjes në një të ardhme të afërt, ndonëse thotë se nuk ka asgjë zyrtare deri më tani, mirëpo sipas tij çdo gjë është e mundur këtë afat.
“Për momentin nuk ka diçka konkrete, por gjatë afatit të transferimeve, sidomos tash në verë gjithçka mund të ndodh, me rëndësi për mua është të punoj dhe të jem gati për atë që do të kem para vetës”.
Sezonin që lam pas, Topalli arriti të paraqitet 28 herë në Superligën turke, në të cilat shënoi 5 gola dhe asistoi 3 herë për shokët e skuadrës.