Kombëtarja e Italisë mund të jetë pa mesfushorin Sandro Tonali për ndeshjet e muajit të ardhshëm.
Tonali është dëmtuar në humbjen e Newcastle Unitedit nga Liverpooli 3:2, duke u detyruar të largohet nga fusha në minutën e 66-të.
Mbetet të shihet nëse Tonali do të jetë në listën e selektorit Gennaro Gattuso për ndeshjet e shtatorit, ndonëse mediumet në Angli dyshojnë se ai mund të luajë.
Gattuso do të debutojë në krye të Italisë më datën 5 shtator në ndeshjen kundër Estonisë në Bergamo kurse tri ditë më vonë përballet me Izarelin.
Të dyja këto ndeshje i takojnë kualifikimeve për Botërorin 2026 dhe luhen në kuadër të Grupit I, ku Italia ka tubuar 3 pikë pas dy ndeshjeve të luajtura.
