Në triumfin e Trepçës në derbin e javës së dhjetë në Superligën e basketbollit ndaj Bashkimit në Prizren, përfaqësuesi i Kosovës, ishte më i dalluari.
Mikaile Tmusiq e mbylli ndeshjen me 20 pikë, shtatë kërcime e tri asistime në fitoren e kampionëve të Kosovës, duke u shpallur kështu MVP-ja i javës.
Ai pati konkurrencë të fortë nga basketbollistë të Borës, që befasuan Pejën.
Bora që po kalon në formë shumë të mirë, duke e mposhtur Pejën vendëse, u dalluan Alex Hunter me 21 pikë, tetë kërcime e tetë asistime dhe Amin Hot me 23 pikë, shtatë kërcime dhe tri asistime.
Golden Eagle Ylli fitoi ndaj Vëllaznimit në Gjakovë, ku Arian Qallaku ishte më i miri te therandasit me 18 pikë, shtatë kërcime dhe dy asistime.
Sigal Prishtina shënoi fitore dramatike ndaj Rahoveci 029, ku Deondre Burns i kryeqytetasve e mbylli ndeshjen me 19 pikë, dy kërcime, pesë asistime.
