Një aksident trafiku ka ndodhur në fshatin Bresalcë të Gjilanit.
Siç bëjnë të ditur lexues të teve1.info në aksident janë të përfshirë dy vetura, njëra nga to taxi.
Lexuesit kanë thënë se në vend të ngjarjes janë, policia, ambulanca dhe zjarrfikësit, derisa kanë thënë se kolonat janë të gjata në aksin rrugore, Gjilan-Prishtinë.
Redaksia ka kontaktuar edhe me Policinë e Gjilanit të cilët e kanë konfirmuar aksidentin, por detaje më shumë nuk kanë treguar, sipas tyre deri në një moment të dytë.
Dy persona kanë humbur jetën, ndërsa një tjetër ka mbetur i lënduar si pasojë e një aksidenti që ka ndodhur sonte në rrugën që lidhë fshatin Sfeqël me fshatin Shajkovc të Podujevës.
Lajmin për tëvë1.info e ka konfirmuar, zëdhënësi i policisë, Agron Burovci.
“Sot rreth orës 20:30 në rrugën që lidhë fshatin Sfeqël me fshatin Shajkovc të Podujevës, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime të rënda trupore. Dy nga personat e lënduar nuk kanë arrit të përballojnë plagët e shkaktuara nga aksidenti dhe të njëjtit kanë vdekur. Vdekjen e viktimave e ka konstatuar ekipi mjekësor në vendngjarje”, thuhet në njoftim.
Ndërsa, një person ka vdekur pas lëndimeve të marra në një aksident komunikacioni që ka ndodhur në rrugën Llapnasellë –Graçanicë.
Lajmin e ka bërë të ditur zëdhënësja e Policisë së Kosovës për rajonin e Prishtinës, Flora Ahmeti.
Ajo për teve1.info tha se në këtë aksident janë përfshirë dy vetura.
“Sot rreth orës 16:30 kemi pranuar informatën se në rrugën Llapnasellë -Graqanicë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar dy persona, një prej tyre nuk kanë arrit të përballojnë plagët dhe i njëjti ka ndërruar jetë. Vdekjen e ka konstatuar ekipi mjekësor në QKUK. Me rastin po merret hetuesia nga njësiti i trafikut rrugor”, ka thënë Ahmeti.
