Tifozët e Liverpoolit kanë mbetur në shok të vërtetë pasi e morën lajmin për vdekjen e futbollistit të ekipit të tyre të zemrës, Diogo Jota.
Ylli portugez ishte duke udhëtuar në Spanjë së bashku me vëllaun e tij, Andre Silva, po ashtu futbollist, kur e pësuan një aksident të tmerrshëm në trafik.
Në fakt, vetura e tyre përfundoi jashtë rrugës shkaku i shpërthimit të gomës gjatë një tejkalimi me shpejtësi të madhe dhe me këtë rast Lamborghini për pak sekonda u mbulua nga flaka.
E sot tifozët e Liverpoolit pasi e morën vesh lajmin, me mërzi të thellë e morën rrugën drejt stadiumit “Anfield Road” për të bërë homazhe për futbollistin e tyre.
