Tifo grupi i KF Drenicës “Shqiponjat e Zeza” kanë reaguar ashpër ndaj trajnerit të skuadrës Bylbyl Sokoli, duke e bojkotuar klubin.
Sipas këtij grupi, tifozët kanë thënë se nuk do ta mbështesin më skuadrën deri në shkarkimin e Sokolit.
Arsyet e këtij bojkoti sipas një reagimi në Facebook, janë rezultatet e dobëta dhe arroganca e trajnerit.
Ky është reagimi i plotë:
Ne, tifogrup Shqiponjat e Zeza, njoftojmë se do të qëndrojmë në bojkot deri në shkarkimin e trajnerit Bylbyl Sokoli.
Arsyet tona janë të qarta dhe të padiskutueshme: përveç mungesës së rezultateve në fushë, trajneri ka shfaqur arrogancë edhe jashtë saj. Kjo arrogancë nuk është treguar vetëm ndaj nesh, tifozëve që pavarësisht çdo rezultati i qëndrojmë skuadrës pranë për 90 minuta, por edhe ndaj vetë lojtarëve. Në ndeshjen e fundit, ai nuk i lejoi ata të vinin të kërkonin falje për mungesën e rezultateve një veprim i papranueshëm dhe i patolerueshëm për ne.
Kërkojmë nga klubi që menjëherë të marrë parasysh kërkesën tonë dhe të reagojë pa vonesë. Nëse kjo nuk ndodh, atëherë të mos na fajësojë askush për hapat e mëtejshëm që do të ndërmarrim.
Shqiponjat e Zeza gjithmonë në mbështetje të klubit, por kurrë në heshtje ndaj padrejtësive!
