Para duelit të së dielës, Florian Marku dhe kundërshtari i tij, Chris Kongo, kanë pasur një tjetër moment të “nxehtë”, derisa të dy boksierët po kryenin matjet zyrtare.
Boksieri shqiptar, të dielën mbrëma ndeshet me kundërshtarin e tij nga Londra, në 02 Arena në Greenwich, por meçi ndërmjet këtyre dy boksierëve, do të jetë i zjarrtë, pasi të tilla kanë qenë edhe paraqitjet zyrtare që i kanë pasur ndaj njëri-tjetrit.
31-vjeçari nga Shqipëria, por që karrierën profesioniste e ka falë angazhimit në Londër, ka thënë se Kongo ka bërë gabim të madh, që ka pranuar të boksojë me të.
“Të dielën, do t’i paguash të gjitha. Për çkado që ke thënë. Do ta prish fytyrën. Ti je një frikacak, pas tre-katër rundesh do të të dridhen këmbët, sepse je qyqar”, i tha Marku rivalit të tij.
31-vjeçari nga jugu i Londrës, ka pësuar dy disfata në duelet e fundit, derisa përballë nga boksierin shqiptar, që nuk di për humbje, në 14 meçe, 13 prej të cilave i ka fituar.
