Serbët lokalë kishin mision edhe ta ruanin pengesën që e kishin vendosur.
Qytetarët që kishin nevojë për qarkullim, shfrytëzonin rrugët alternative.
Kjo barrikadë u shtua pikërisht në kohën kur ndërkombëtarët me ngulm po kërkojnë largimin e tyre nga rruga.
Politologu Abdullah Sadiku thotë se sjellja agresive e serbëve po rritet për shkak të qasjes së butë të Bashkimit Evropian.
“Këtu unë e shoh si një dështim të madh të Bashkimit Evropian, pasiqë ka tregu mungesë fuqi dhe mungesë vizioni si ta kushtëzoi Beogradin se si t’i largoi barrikada, lere që nuk janë larguar ekzistueset por janë shtuar edhe të rejat. Ky është një lloj dështim i radhës i Bashkimit Evropian”, tha Sadiku.
Pavarësisht kësaj, gjatë së enjtes situata ishte e qetë dhe nuk ishte shënuar ndonjë incident.
Pranë pengesave të rrugëve qëndronin pjesëtarët e KFOR-it.
Qytetarët vazhdonin të kalonin me vështirësi nëpër barrikada.
Në zonat ku qytetarët mund të jenë të rrezikuar, pjesëtarët e Policisë së Kosovës garantonin rend dhe qetësi.
Kronika e gazetarit Valmir Gallopeni.
