Dy persona janë lënduar nga therja me thikë që ka ndodhur në rrugën “Fehmi Agani” në Prishtinë.
Burime të Tëvë1 bëjnë të ditur se ngjarja dyshohet se ka ndodhur brenda një banese.
Rastin për Tëvë1 e ka konfirmuar zëdhënësja e Policisë për rajonin e Prishtinës, Flora Ahmeti, e cila tha se të lënduarit janë shtetas të huaj.
“Sot rreth orës 10 :00, kemi marrë informatën për një lëndim trupor të ndodhur në rrugën ” Fehmi Agani”në Prishtinë. Bazuar në të dhënat fillestare, në këtë rast (me mjet të mprehtë) dyshohet të jenë lënduar dy persona ( shtetas të huaj) të cilët janë dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, ka thënë ajo.
