Një person ka mbetur i plagosur pasi dyshohet se është therur me thikë nga persona të panjohur në Shtime.
Sipas raportit 24-orësh të Policisë së Kosovës, ngjarja ka ndodhur mbrëmjen e 2 korrikut, rreth orës 22:12. Viktima, shtetas i Kosovës, ka kërkuar ndihmë mjekësore pasi kishte pësuar lëndime nga një mjet i mprehtë.
“Shtime, 02.07.2026 – 22:12. Është raportuar se viktima, mashkull kosovar, kishte kërkuar ndihmë mjekësore pasi që ishte therur me thikë nga persona të panjohur. Viktima është dërguar në Spitalin e Ferizajt. Rasti është duke u hetuar nga njësitë relevante policore”, thuhet në raportin e Policisë.
I lënduari është transportuar në Spitalin e Ferizajt për trajtim mjekësor, ndërsa Policia e Kosovës ka nisur hetimet për identifikimin e personave të dyshuar dhe zbardhjen e plotë të rrethanave të rastit.
