Dy persona janë therur me thikë mbrëmjen e sotme, pas një konflikti në një lokal në Pejë.
Të lënduarit si pasojë e plagëve janë dërguar për trajtim në spital.
Kështu ka bërë të ditur për teve1.info, zëdhënësi i Policisë për rajonin e Pejës, Fadil Gashi.
Gashi njoftoi se lidhur me rastin një person është arrestuar, ndërsa një tjetër është shpallur në kërkim nga policia.
“I dyshuari ka ikur nga vendi i ngjarjes dhe është ende në arrati”, tha Gashi.
Zëdhënësi i Policisë tha se rasti është në hetime dhe njësitë policore janë duke ndërmarrë veprime që të zbardhin rrethanat e ngjarjes./teve1.info/
