Komisioni i cili u propozua nga Lëvizja Vetëvendosje, në përbërje ka Hajdar Beqën nga Partia Demokratike e Kosovës si kryesues dhe Armend Muja nga Lëvizja Vetëvendosje si zv.kryesues.
LVV-së në këtë komision i takojnë tre anëtarë, të cilët janë Haki Abazi, Arbër Rexha si dhe Halit Thaçi.
Kurse, PDK-së i takon një anëtar i cili është Rashit Qalaj, teksa Lidhja Demokratike e Kosovës përfaqësohet me dy anëtarë, Armend Zemaj dhe Rrezarta Krasniqi.
Nga një anëtar i takojnë AAK-së që në këtë komision përfaqësohet nga Time Kadrijaj, Grupit Multientik që përfaqësohet nga Duda Balje dhe Listës Serbe që përfaqësohet nga Lubinko Karagiq.
Ndryshe ky komision ka të bëjë me hetimin në nivelin legjislativ, ekzekutiv, rregullativ dhe në ndërmarrje publike.
Ndërsa dje është konstituar Komisioni Hetimor Parlamentar për menaxhimin e krizës energjetike nga Qeveria e Kosovës.
