Ministri në detyrë i Punëve të Brendshme, Xhelal Svçla ka njoftuar se ka marrë vendim për themelimin e grupit punues i cili do të propozoj modalitetet e programit të pensionimit të parakohshëm në Policinë e Kosovës.
Ai ka thënë se ky grup punues do të analizojë të gjitha aspektet ligjore, financiare dhe organizative, deri në fund të muajit korrik të këtij viti.
Sveçla ka thënë se përmes programit synohet ulja e moshës së pensionimit në 63 vjeç e gradualisht deri në 55.
“Në kuadër të kësaj analize, do të shqyrtohet mundësia e zbatimit gradual të programit, duke filluar nga mosha 63 vjeç dhe duke u ulur progresivisht deri në moshën 55 vjeç, në përputhje me kapacitetet financiare dhe nevojat institucionale. Ky proces synon të krijojë mundësi për një menaxhim më të mirë të burimeve njerëzore, të rrisë efikasitetin operacional dhe të kontribuojë drejtpërdrejt në forcimin e sigurisë publike në vendin tonë”, ka shkruar Svçla.
Ai ka thënë se përmes këtij programi, do të ndërtohet një polici më funksionale, më të balancuar në strukturë dhe më të gatshme për t’iu përgjigjur sfidave bashkëkohore të sigurisë, duke respektuar njëkohësisht kontributin dhe dinjitetin e secilit zyrtar policor./teve.info/
