Më 30 prill 2022, në Steinenbron/Stuttgart të Gjermanisë u mbajt Konferenca XII e Federatës së Mjekëve Shqiptarë në Evropë, ku u mblodhën mjekë e profesionisët nga fusha të ndryshme të mjekësisë nga Gjermania, Shqipëria, Kosova, dhe vende të ndryshme të Evropës.
MFE e drejtuar nga Aurora Meta Dollenberg shtrihet kështu edhe në pjesë të tjera të Gjermanisë.
Në Stuttgart u zgjodh edhe kryesia e re e kësaj dege. Në kryesi do të jenë: kryetar- Genc Kelmendi, Reanimator/Anestezist, nënkryetar – Fadil Brovina, Onkolog, nënkryetar – Fadil Avdiu, Internist, nënkryetar, Sekretar i përgjithshëm, Niq Krasniqi, Projektmanager. Arkatar, – Arsim Matoshi, Kirurg vaskular si dhe – Qendrim Pllana, Ortoped/Mjek familje dhe – Mehmet Gjihollaj, Mjek familjar.
Është zgjedhur edhe Bordi Kontrollues:
Rexhai Bahtijari -Psikiater, Anton Gojanaj-Pediater, Dr.Mehmet Hyseni-Internist, Bekim Balidemaj-Internist, Sami Tahiraj-Ortoped.
Në konferencën themeluese ishin prezentë dhe e mbështetën edhe konsulli i përgjithshëm i Shqipërisë në Mynih, Arten Hanku, konsullja e Kosovës në Stuttgart, Lumturie Lipoveci dhe konsulli i përgjithshëm i Kosovës në Mynih, Afrim Nura. Ata përgëzuan punën e AMFE dhe premtuan bashkëpunim dhe mështetje me Federatën e mjekëve, AMFE.
Si pjesë të kësaj konference kishte edhe aktivitete humanitare, një mbrëmje gala, gjatë së cilës janë mbledhur disa mijëra euro për të mbështetur fëmijët me autizmë si dhe aktivitete të tjera kulturore. Pjesëmarrësit vizituan edhe bustin e Nënë Terezës në Stuttgart, në “Ditën e shërimit”.
