Në fillim të shkurtit, u shtrua në spital.
Kjo meqë babait të ish-presidentit, Hashim Thaçi, i ishte keqësuar gjendja shëndetësore.
Por, një vizitë tek babai iu mohua nga Dhomat e Specializuara në Hagë.
E mbrojtja e Thaçit, më të njëjtën kërkesë iu drejtua përsëri Dhomave të Specializuara.
Përmes saj ishte kërkuar lirimi i tij i parakohshëm një ditor, në mënyrë që ta vizitoj babain.
Por, edhe këtë herë nga gjyqtarja e procedurës paraprake në rastin kundër administrimit të drejtësisë, Marjorie Masslot, mori përgjigje negative.
“Gjykatësi është i vetëdijshëm se babai i Z. Thaçi është në moshë të shtyer dhe ka pasur [REDAKTUAR]. Gjykatësi gjithashtu shqyrton faktin se babai i Z. Thaçi ka qenë [REDAKTUAR] deri në [REDAKTUAR] shkurt 2025. Gjykatësi thekson gjithashtu që, ndonëse gjendja shëndetësore e tij ka pasur përkeqësim, nuk ka asnjë informacion që sugjeron se gjendja e tij është një krizë akute ose kërcënuese për jetën”, thuhet nga gjykata.
E njohësit e ligjit në Kosovë, thonë se ky vendim duhet të rishikohet nga ana e Dhomave të Specializuara.
“Në bindjen time, për sa i përket kërkesës së fundit të presidentit Thaçi, është shkelur kjo rregull dhe ky standard dhe vlerësoj që një vendim i tillë nga ana e Dhomave të Specializuara duhet të rishikohet sepse natyrisht që është në shpërputhje më këtë dispozitë të rregullores dhe është absolutisht jo humanitare”, shprehet avokati Ardian Bajraktari.
Por, çka janë vizitat humanitare dhe në cilat raste lejohen?
“Këtë gjë e rregullon rregulla 56 e rregullores së procedurës dhe provave të Dhomave të Specializuara, sipas të cilës paragrafi 3 e mundëson që më kërkesë të paraburgosurit, madje edhe pa kërkesë fare, në rrethana të justifikueshme ligjore dhe kur ka arsye humanitare, mund të lejohet vizita në raste të tilla”, tregon Bajraktari.
Në fund, Bajraktari shton se ajo çfarë e ka karakterizuar këtë gjykatë deri më tani, është mungesa e transparencës.
