E kjo iniciativë e tij po shihet si shumë e vlefshme nga Nevenka Tromp, e cila është hulumtuese e Tribunalit Ndërkombëtar të Hagës.
Sipas saj raporti i Dick Martyt është kontravers, prandaj kjo çështje duhet të diskutohet në Këshill të Evropës.
“Iniciativa që ka ndërmarr kryeministri Edi Rama është e vlefshme. Shqipëria ka një pozitë më të favorshme ndërkombëtare sesa Kosova, prandaj Rama ka plotësisht të drejtë ti drejtohet Këshillit të Evropës për raportin kontravers të Dick Martyt. Megjithatë jam skeptike që diçka do të ndryshojë në këtë proces për shkak të kompetencave të limituara që ka Këshilli i Evropës”, tha Tromp.
Këtë iniciativë të Kryeministrit shqiptar, e ka mirëpritur edhe Avokati i akredituar nga Gjykata Speciale, Artan Qerkini.
Ky thekson se standardet e përcaktuara nga Gjykata Evropiane po nga shkelen Dhomat e Specializuara.
Ligjëruesja në Universitetin e Amsterdamit, Nevenka Tromp, mes tjerash ka treguar disa histori që lidhen me Gjykatën Speciale.
Tromp thotë se Thaçi u tradhtua nga miqtë e tij ndërkombëtar.
“Unë e mbaj mend shumë mirë kur u bë publik raporti i Dick Martyt. Dua t’iu them që në atë kohë një avokat i profilit të lartë nga Britania sugjeroi Thaçin që të bëjë padi ndaj Martyt për shpifje por ish-kryeministri i Kosovës refuzoi ta bënte një gjë të tillë. Ka shumë shpifje në këtë raport, prandaj kishte bazë për padi. Nëse do të bëhej kjo padi, situata do të ishte krejtësisht ndryshe sot. E më keqja është se Thaçi u tradhtua nga miqtë e tij ndërkombëtar”, tha Tromp.
Po bëhen gati dy vjet që ish- krerët e Ushtrisë Çlirimtare të Kosovës, po qëndrojnë në paraburgim në Hagë.
Raporti i gazetarit Shpat Blakçori.
