Ish-presidenti, Hashim Thaçi, ka deklaruar se nuk paraqet rrezik për askënd në zgjedhjet e përgjithshme që pritet të mbahen më 9 shkurt në Kosovë.
Ai tha se nuk është pjesë e garës elektorale, derisa është deklaruar lidhur me aktakuzën e re ndaj tij në Gjykatën Speciale.
“E di se Kosova është në prag të zgjedhjeve të përgjithshme elektorale, por unë nuk jam pjesë e garës elektorale, unë nuk paraqes rrezik për askënd, prandaj kërkoj edhe sot, unë besoj dhe respektoj Kushtetutën dhe ligjet e Kosovës kërkojë edhe sot nga të gjithë kudo që jemi ulur, në secilën anë apo në çfarëdo uniforme qe jemi, në këtë sallë të respektohet Kushtetua e Kosovës sepse Dhomat e Specializuar janë produkt i Kushtetutës së Kosovës”, ka thënë Thaçi.
Thaçi nuk është deklaruar lidhur me fajësinë sa i përket aktakuzës që Zyra e Prokurorit të Specializuar ia ngriti atij lidhur me vepra penale kundër administrimit të drejtësisë.
