E ndaj zgjedhjes së Krasniqit në organin më të lartë në Universitetin e Prishtinës ka reaguar ish-zëvendësministri i Arsimit, Jusuf Thaçi.
Ai ka akuzuar për kapje të universitetit organizatën studentore “Studim, Kritikë, Veprim” që është e afërt me Lëvizjen Vetëvendosje.
“Meqë organizata studentore e LVV-së brenda Universitetit të Prishtinës (SKV, pra LVV) ia paska msy me kapë Këshillin Drejtues (KD) të UP-së, së paku do të duhej që këtë kapje ta bënte duke votuar njerëz dinjitozë për KD të UP-së, e jo me shpërfaqë aq brutalisht epshin për pushtet duke zgjedhur në organin më të lartë drejtues të UP-së njerëz që akuzohen për plagjiaturë e njerëz që nuk kanë kurrfarë vlere profesionale, shkencore e akademike. Mjerim!”, ka shkruar Thaçi në Facebook.
Ai madje ka thënë se nuk shpreson më që arsimi në Kosovë do të përmirësohet.
“P.S.: Personalisht moti i kam qu duart dhe nuk shpresoj që arsimi në Kosovë do të përmirësohet ndonjëherë, ama atyre që ende kanë shpresë desha t’ua kujtoj një thanje t’pleqve që thotë: “Hirra bylmet e shqiptari shtet nuk ban kurrë!”. Koha po ju jep të drejtë pleqve!”, ka shkruar Thaçi. /teve1.info/
