Kryetari i Obiliqit, Halil Thaçi ka njoftuar se ka nënshkruar vendim për mbështetje mujore 350 euro për të gjitha familjet që strehojnë fëmijët pa përkujdesje prindërore.
Ai ka thënë se kujdesi për fëmijët nuk është bamirësi, por përgjegjësi institucionale.
“Sot kam nënshkruar vendimin që familjet strehuese në Komunën e Obiliqit, ato që hapin derën dhe zemrën për fëmijët pa përkujdesje prindërore, të mbështeten me 350 euro në muaj. Kujdesi për fëmijët nuk është bamirësi, por përgjegjësi institucionale. Komuna do të jetë pranë atyre që bëjnë më shumë për shoqërinë”, ka shkruar ai.
