Televizion Tëvë1 dhe portal Teve1.info është një projekt i ndërtuar nga një ekip i gazetarëve me përvojë dhe të dëshmuar për profesionalizëm. Ne mëtojmë të jemi hapësira ku lajmi do të jetë vetëm lajm, ndërsa analiza e bazuar në mendim dhe kritikë objektive.
Projekti ynë do të jetë zëri Juaj dhe i familjeve Tuaja, meqë do të plasojmë gjërat me vlerë, për interesin Tuaj. Ndërsa, me një skemë të pasur programore dhe transmetim 24 orësh, do të jemi përkrah të gjitha grupmoshave e kategorive shoqërore – qofshit Ju në Kosovë apo në diasporë.
Në ceremoninë e hapjes para shumë të ftuarve, Drejtori i Përgjithshëm i Tëvë1, Dukagjin Maliqi tha se ky është një projekt serioz dhe më i madhi në vend.
“Tëvë1 është projekti me investimin më të madh në tregun media në Kosovë. Synojmë të ofrojmë më të mirën për shikuesit tanë dhe kjo falë një ekipi të madh e të jashtëzakonshëm profesionistësh si dhe falë investitorëve të cilët nuk u kursyen që ky projekt të jetë sa më i mirë… Për këtë punë të madhe kemi bërë, e punë edhe më e madhe na pret. Nga ju kërkojmë, durim e mirëkuptim kur gabojmë. Angazhimi ynë që gjithçka në ekranin tonë të jetë sa më profesional, do të jetë i pashoq. Na njihni më shumë, jemi bashkë”, ka thënë Maliqi.
Kurse, Drejtori Kreativ i Tëvë1, Kreshnik Berisha i njohur si Keka tha se synim i këtij projekti është që kultivoj vlera profesionale.
“Po duam me shpërnda dashni në punën tonë, me e deshtë atë që po e bëjmë. Duam ta bëjmë një shtëpi të madhe që ka vend për të gjithë”, tha Keka ndër të tjera.
Tëvë1 mund ta shikoni në këto tri platforma: Telkos – nr 7, IPKO – nr 11 dhe Telekom – nr 7.
Ecim së bashku…
