Mjafton ta shtypni butonin 11 në telekomandën tuaj.
Të gjithë ata që marrin shërbime televizive nga Artmotion dhe Kujtesa do ta kenë aty të listuar kanalin e Tëvë 1 që nga 1 tetori.
Me shtrirjen edhe në këto dy platforma, Tëvë 1 tanimë do të mund të shihet në pajisjet televizive të secilit prej jush.
“Do të jemi të shtrirë në të gjitha platformat që rrjedhimisht i bie se do të jemi të shtrirë në të gjithë territorin. Pashmangshëm Tëvë 1 nuk shkon i vetëm në ArtMotion dhe Kujtesa, në 11 në Artmotion dhe Kujtesa. Tëvë 1 do të jetë bashkë edhe me kanale të tjera të Tëvë që transmetojnë materiale filmike”, ka thënë drejtori ekzekutiv i Tëvë 1, Dukagjin Maliqi.
Përveç 10 kanaleve të Tëvë, në kompaninë kabllore Telkos do të shtohen edhe 64 kanale të reja që do ta pasurojnë edhe më shumë përmbajtjen.
Filmat e të gjitha zhanreve, programet për fëmijë, ndeshjet sportive e jo vetëm do të mund t’i ndiqni në këto kanale.
“Do t’i shtohen kanalet vendore si KlanKosova, Dukagjini, T7, Kanal10, AlsatM edhe kanalet turke, ndërsa 21 kanale të reja kanë me qenë vetëm për adhuruesit e sportit. Nga nesër të gjitha kompeticionet evropiane dhe ndërkombëtare dhe ligat më të forta të botës do të jenë në Telkos”, është shprehur drejtori i marketingut në Telkos, Bedri Hasanaj.
Maliqi e Hasanaj po ashtu kanë premtuar risi përkitazi me nevojat e publikut dhe ndryshimet sezonale.
Platforma Tëvë që është produkt i Telkosit, filloi të ofrojë programacion që nga 22 shkurti i këtij viti për të gjitha moshat e shijet, duke u shndërruar kështu në një adresë të besueshme të informimit për secilin qytetar.
Kronika e realizuar nga gazetari Gojart Jashari.
