Mëngjesin e së enjtes është mësuar shorti i Premier Ligës angleze për sezonin 2022/23.
Mediat angleze, thonë se ekipin e Arsenalit e pret një muaj tetor ‘i nxehtë’, pasi që Gunners në këtë muaj do të zhvillojnë plot 6 ndeshje.
Fillimisht londinezët në datën 1 përballen me rivalët e përbetuar, Tottenham në shtëpi, ndërsa një javë më vonë presin edhe Liverpool. Më datën 15 udhëtojnë në Elland Road për t’u takuar me Leeds, ndërsa tri ditë më pas janë nikoqir të Manchester Cityt. Data 22 është ndeshja kundër Southampton në udhëtim, ndërsa më 29 takohen në shtëpi me Nottingham Forest.
Arsenali sezonin e kaluar përfundoi në pozitën e 5-të dhe sezonin e ardhshëm bën gara në Europa Ligë, teksa deri më tani ka transfeuar sulmuesin e talentuar nga Sao Paolo, Marquinhos.
