Bordi Drejtues i SHSKUK-së, në mbledhjen e mbajtur të enjten ka zgjedhur kryesuese të bordit doktoreshe, Tetore Olloni – Përfaqësuese e Qendrës Klinike Universitare Stomatologjike të Kosovës.
Sipas ShSKUK-së zgjedhja është bërë konfrom dispozitave ligjore, dhe parimit të rotacionit, me 5 vota për.
Në fjalën e saj, Kryesuesja Dr. Olloni falënderoi anëtarët e Bordit për besimin e dhënë dhe premtoi angazhim maksimal në funksion të ngritjes së cilësisë së shërbimeve shëndetësore të ofruara nga SHSKUK.
Bordi Drejtues i SHSKUK-së është në këtë përbërje: Dr. Tetore Olloni – Kryesuese, Dr. Dren Boshnjaku – Anëtar, Dr. Rrezarta Bajrami – Anëtare, Dr. Ismet Ramadani – Anëtar, Dr. Vjollca Kadolli- Anëtare, Dr. Besa Balidemaj- Anëtare.
