Sot nisë kampanja kualifikuese e kombëtareve për një vend në Evropianin e 2024. Këtë të enjte zhvillohen plot 8 sfida në dy termine të ndryshme.
Sfida hapëse do të jetë mes Kazakistanit dhe Sllovenisë nga ora 16:00, ndeshje kjo që zhvillohet në Astana Arena, në kuadër të Grupit H.
Kjo do të jetë edhe ndeshja e vetme që nis nga ora 16:00, por në këtë grup në po të njëjtën ditë do të luhen edhe tri sfida të tjera, por nga ora 20:45. Danimarka luan ndaj Finlandës, San Marion – Irlandë e Veriut.
Kryendeshja e mbrëmjes padyshim që do të jetë mes dy finalistëve të Evropianit 2020. Fituesi në fuqi, Italia pret Anglinë në Diego Armando Maradona, me dy skuadrat që opsion kanë fitoren për ta nisur mbarë kualifikuesit për Evropian. Ndërsa në po të njëjtin grup, zhvillohet edhe ndeshja mes Maqedonisë së Veriut, dhe Maltës.
Në aksion sot janë edhe kombëtaret e grupit J. Aty përballen Portugalia – Lihtenshtajni, Bosnja dhe Hercegovina – Islanda dhe Sllovakia ndaj Luksemburgut. Të gjitha këto takime zhvillohen nga ora 20:45.
